(വിശുദ്ധ മറിയംത്രേസ്യായുടെ തിരുനാൾ ആഘോഷിക്കുന്ന ഈ അഭിമാന മുഹൂർത്തത്തിൽ വിശുദ്ധയുടെ മാധ്യസ്ഥ്യത്തിനായുള്ള ഒരു പ്രാർത്ഥനാഗാനം.)
അമ്മേ, മറിയം ത്രേസ്യായേ!
![Blessed Mariam Thresia closer to sainthood | Kochi News - Times of ...](https://static.toiimg.com/thumb/msid-66302409,imgsize-79258,width-400,resizemode-4/66302409.jpg)
ഈശോയെ
ജീവന്റെ ജീവനായ് സ്നേഹിച്ച
മറിയം ത്രേസ്യായേ,
പഞ്ചക്ഷത ധാരിയായ്
കുടുംബ പ്രേഷിതയായ്
ഈ ഭൂവിൽ വസിച്ചവളേ!
( Chorus) ഞങ്ങൾ നിന്നെ വണങ്ങുന്നു
നിൻ നൻമകൾ പാടുന്നു
ഞങ്ങൾക്കായ് പ്രാർത്ഥിക്കണേ!
![Mariam Thresia Chiramel - Wikipedia](https://upload.wikimedia.org/wikipedia/commons/4/40/Tomb_of_St._Mariam_Thresia.jpg)
ഒരു പൂവിന്റെ സൗരഭ്യമായ്
സുവിശേഷത്തിൻ സന്ദേശമായ്
തിരുവോസ്തിതൻ കാരുണ്യമായ്
തിരിനാളത്തിൻ പരിശുദ്ധിയായ്
പരമപിതാവിൻ സൽപുത്രിയായ്
പാരിനെ വിശുദ്ധിയിൽ നിറച്ചവളേ!
ഞങ്ങൾ നിന്നെ ……
ഇരുൾ വീഴുന്ന നേരങ്ങളിൽ
വെയിൽ ചായുന്ന ജീവിതത്തിൽ
മനം തകരുന്ന വേളകളിൽ
ഉള്ളം ഉരുകുന്ന വേദനയിൽ
തിരുഹിതമെന്നും നിറവേറിടാൻ
സർവ്വം സമർപ്പണം ചെയ്തവളേ!
ഞങ്ങൾ നിന്നെ……